與師傅談完電話後，生起一堆的問題。為什麼不在電話中問呢？因為我要記下師傅說什麼，所以就減少發問，不影響師傅要說的話，而在電話後，寫下記錄了，才來一封信給師傅。以下是我當時的問題：
1. 像在對話中，從平靜的心轉向驚呀，轉向平靜，又轉向疑惑，再轉平靜，心一直在變，是不是要令驚呀、疑惑或其他情緒都不生起？
2. 不上心的不喜歡，轉一念就捨，但忿怒、嬲怒這些較大的情緒，要幾分鐘後才會轉向平靜，那個「即刻捨」是要在一生起時便捨嗎？
3. 不上心與上了心的情緒，轉向平靜是自然發生的，要人為地轉向嗎？
4. 快樂時，身體或會像唱誦時彈彈吓及有一陣一陣的電流通過，從它們一生起時，用八正道？還是心一感樂便捨？
5. 將念放在身體一部份，可不可以發覺不夠力，便立即轉移，還是試一段時間？
6. 快樂極難看，一直做分析，也查不出原來自己執了那如在自然中的滿足感。若不分析，又如何知道自己根深諦固的習性？但分析卻也有它的限制，所以也少做了。
7. 執苦固然苦，執樂會至苦，執平靜也會至苦，轉去那裡？
8. 若有能力截情緒的，還要給它瘋了般出來嗎？
9. 還是成就「未生惡令不生，己生惡令速斷」？
------------------------------------------------------------------------
2004年1月6日星期二晚9:30
師傅致電來，我們有這樣一段對話：
文師傅：「我地學佛，就係滅苦，要平靜嗻。用咩野都可以。」
我問：「你睇完啦？」
文師傅：「未，睇了一張。」
我說：「師傅，我既生活，我可以處理，我自己多數都可處理，係有時鑽了去牛角尖，就要找些老師或朋友解開，你知我地有時會去了牛角尖，所以鑽了就要找人解開。但學佛後，那些人話要睇情緒，咁究竟若果我可以截的，要不要給它出來呢？」
文師傅：「要睇你知吾知道係因咩野，有的人吾知喎，咁就要睇。」
我說：「我咁問係因為有次May同Jack，佢知道自己的習性，佢好易哭，咁知道又點？Jack話比佢出來，我知道Jack用心理學，咁心理學就係叫人吾好壓抑，比佢發洩。」
文師傅：「係呀，心理學係叫人比佢出來，但佛教吾係，佛法要人知道乜野原因，要知因緣，但心理學無喎。」
我說：「佢叫人發洩出來，咁心理學家就同佢一齊深入找原因咯。」
文師傅：「係啦。May，我剩係見佢一次哭，那日去行山，佢供養師傅，攞些飯的時候，就哭。咁我睇見這個都好用心，但佢吾知道，咁我就同佢講。」
我問：「感動到哭，你知有時會引起情緒波動？有時係一些地方吾係好適當，咁我想問如果有能力，你知我地哭時，個心會知係因為感動定因為其他，咁知道的話，在佛教，係截佢定由得佢？」
文師傅：「如果係感動到哭，這些是好的，要睇那個人有無能力，可吾可以控制場面，有些人得，有些人吾得。」
我問：「咁即是話，如果知道原因，就可以選擇，哭又得，不哭又得？」
文師傅：「係啦。但係有些人，佢地哭，吾知點解哭，好似我係馬來西亞，出家人托缽，有個居士話佢見到出家人托缽，就哭，吾知點解，咁佢地吾知分析，咁出家人就同佢講，但這些是好的。好似有個出家人，佢媽媽死了，佢哭，就因為佢多謝佢媽媽比佢出家，佢有因緣出家，所以我們吾可以睇外相，你吾知佢既心。」
我說他們講野時，我無插嘴。
文師傅：「啱啦，你有正念，知道就可以。」
我說：「但有些情況，原來係吾知喎。好似那日係禪營，我問你我們可吾可以係球場睡(當時我與朋友想在球場睡頭陀傘)，你話好凍，我後來回想，我講錯野，我用「我們」，你可能以為提議大家，咁就真係好凍，我係指我同Rebecca嗻，咁即是證明我當時吾知，如果我知就吾會講錯野，又好似我睇阿姜查的書，兩年來，我成日睇，但最近一次睇，發覺我以前以為明，其實係吾明，宜加先明喎。」
文師傅(讚嘆說)：「係啦，係咁啦，其實你吾駛再睇書，睇一本就夠。」
我問：「個心？」
文師傅：「係吔。」
--------------------------------------------------------------------------------------
2004年1月8日星期四共修時，我見師傅，我自己就己有全部答案了。
我對師傅說：「師傅，你己經答了我的所有問題。(師父瞪着眼，笑着)你講第一句時，我聽既時候就無乜野，但反思時，就知道。其實師傅己經答了我，我問咁多問題都係問一句。」
師傅問：「是什麼？」
我答點樣滅苦。
師父說對了。
---------------------------------------------------------------
以上是零四年的問答。
沒有留言:
發佈留言