繼續修襌

襌修係要有個師父的, 否則都係好危險, 又要找個相應的師父, 吾相應就吾信佢, 好多疑就無謂的。有個有經驗的人, 又有經驗, 又要同自己相應, 咁就圓滿, 剩下的就是自己的波羅密及用幾多時間去修的條件了。

有個師父去提醒是差到無雷公遠的, 事關佛理係人都知, 但自己的習性就吾係那回事, 就算知道都未必夠力去對治的, 係有個師父去講去提醒, 咁那句就會記到入心, 要做乜都會想起, 接著就未必會做。

吾知前世修了乜福, 要師父時, 就會出現。

對於勝悅師父, 最初就吾覺佢指導襌修掂的, 事關佢自己修學掂吾等於指導人都掂的, 佢雖然都有指導人內觀, 但未接觸, 點知佢功力如何呢? 就算接觸了, 我都吾係好覺佢掂的, 不過就係好舒服吧了, 咁係人修襌修到咁上下, 都係會令人覺得舒服的, 至於佢可以sense到其他人, 咁係人修內觀修到咁上下, 都係有這功能的, 我又吾覺有乜的。

咁我從來都無在家坐的習慣, 亦坐吾到, 一坐就覺得心臟好似停咁, 好吾舒服, 就無坐, 所以一直都無在家襌坐的, 坐吾到, 身心都成日好緊的, 垃圾堆積在心吧, 搞到身體都好緊, 尤其在人群中時, 成身性的緊及不舒服。

好啦, 我出信給她, 對她說情況, 又奇啊, 那一星期, 我竟然可以在家襌坐啊, 還可以坐一小時啊！

我就無去confirm關吾關佢事, 係吾係佢發放慈心給我, 個心若夠力的, 咁做吾難的。奇啊, 之後我就吾覺個心好似停咁啦, 那種停係硬的, 個心係硬同實的, 好吾舒服, 我坐吾到的, 但出信話佢知一堆事後, 我無再覺得個心像停、硬及實了, 有時呼吸好微細, 但整個心臟係通透, 係軟的, 係舒服的。

又有一次, 我好煩惱, 我知佢五時半坐襌, 到八時半乜都坐完啦, 我致電到十時, 打了三次, 佢都無聽電話, 咁就算啦, 就我自己坐襌, 那一坐, 出奇地我覺得好舒服, 坐了一小時十五分鐘, 真是從來沒試過的事啊。

繼續修內觀、出入息念及慈心襌。

斷埋其他亂七八糟習性根！

跟衍慈師父的第一次襌坐

那是2001年尾至2002年初的八堂襌坐課, 在佐敦。

第一堂, 衍慈師父介紹天台宗的七支坐法, 又有堆佛教名相, 講到好玄。
她講解七支坐法很長細的, 大家亦每個坐姿試一試, 我當時就選擇雙盤的降魔坐, 真係降到魔架, 那時有四五十個學生, 衍慈師父是逐個人去查坐姿的, 她拿一把尺來度背脊直不直, 那時得兩三個人坐得好, 我是其中之一個。雙盤通常都會是標準姿勢的, 因為背脊會自然直, 無須用力。

那個六妙門, 都是逐樣去試, 從數息到隨息, 我不愛數息而直接選擇隨息, 幾好玩的。

那年, 一節襌坐是一個小時半, 我只能雙盤坐四十五分鐘, 要放腳十五分鐘, 才可再雙盤坐到尾。

那時見師父可以雙腳自動盤腿就感到師父很厲害, 但其實只要雙腳夠鬆, 就可以如此的, 我當時也可以做到。

襌坐後, 師父開示, 誰有問題就問, 師父解答。

就上了八堂, 初試襌坐。