(隨阿贊平)被鬼拉腳

上星期六在樹林睡一晚, 半夜被野壓及被野拉腳, 我推開及踢走野, 觀呼吸, 無理的, 繼續睡。
第二日對師姊說, 師姊話遇鬼要回向, 又話有人證三果前的七年, 都有好多怨親債主來的, 佢話有功力既人先會咁。叫我問師父那些是什麼, 我就認為問乜野來的, 不如問當下點處理好過, 但我都無乜心去問。結果師姊幫我問了, 師父就話遇鬼吾好驚, 周圍都有的, 可以誦佛號, 發放慈心, 或觀呼吸亦可以。
咁聽完就算啦, 不過師父講的方法可以同人分享吓, 於是將師父講的法, 貼到討論區, 這回一個新相識的朋友就話, 埋得身的都是有法力的, 奉了因果而來的, 就是要干擾襌修人, 要迴向的。
即是人人話我撞鬼啦, 係咪? 撞鬼就要回向啦。兩個人都話會陸續有來喎, 咁我要問問個知我習性的師父啦。

即是咁啦, 知你習性同吾知你習性的, 個答案係吾同的。
個師父就話星期四晚, 我無睡覺, 星期六晚係腳抽筋, 我執以為有野, 反應了, 其實當下只是風的推動, 只是感覺吧了, 當下內觀, 就會提升正念, 而當時的我只有覺知而失念了, 以為撞了野, 其實係心魔吧了。佢又話過了幾日, 還有這件事在心中, 總末放下, 我話我驚咯。
聽完佢解釋, 就減低了我個驚啦。

星期四晚有個LP Thongchai 的講座, 講及襌相, 話女人容易修定, 容易見襌相而引起驚與疑, 男人難修定, 但若見襌相, 佢地無咁驚及疑, 我直接覺得係同我講的法啦, 事關真係驚了好耐, 獲獲好新鮮的, 心既幻, 身亦有幻, 係遇到個師父話身那個都係幻, 又真係, 就過了。有些經驗係吾錯的, 有些就吾係, 所以越修越多相出時, 我係驚的。

好似這次被野拉腳, 個個都話我撞鬼, 遇怨親債主要迴向喎, 係得知我習性的師父話係風動, 心執以為實, 減低了驚及加多了信心, 樣樣只不過係地水火風, 現象生滅, 佢咁樣一講, 就減低了個驚, 接著長老去講這話題時, 咁我得一法可以對治個驚的, 知吾係人人有一死, 驚既最終咪就係驚死啫, 仲有乜好驚呢? 咁執住死就死的, 話之佢既心態時, 現象就剩得生與滅啫, 於是整棵心就好輕鬆了。


個心輕鬆呢, 就會感受到呼吸對身體的舒適及心的愉快, 於是心自動就會在平時都貼住呼吸覺知風的出入, 咁呢, 個身體裡面就會感到震動, 有時站立時, 由腳板震到上身體上, 將整個身體震鬆的, 個心則轉入去取平靜, 咁身體的震動本身就好無常, 有得震與無得震又係好無常, 就時刻都在體會無常, 而外邊的現象亦是生與滅, 個心又吾會好注意出邊。