(隨阿贊平)因緣帶了個陌生師兄去供僧

昨日在討論區游了一游, 有位師兄就問了一條關於南傳佛教的問題, 我答了後, 就話佢知今日有個供僧活動, 有興趣佢自己上去, 咁佢想一齊上去, 就約埋一齊上去。
媽咪咳得好厲害, 吾想去, 就算咯, 佢都炸了蝦片, 咁我就照去, 接埋個師兄一齊上去。

好多泰國人在上面, 香港人就得幾丁, 有個新面孔上去, 到供僧時間, 個個叫師兄去拿食物給師父。

我本來坐到好後, 點知師父問我野, 於是我行前, 師兄跟著, 師父叫師兄頂禮, 於是我們又頂禮師父。頂多點禮都好既。

佢就真係好有福, 一家有三口都出家的, 希望佢都出到家啦。

媽咪吾去得, 咁師父祝福居士時, 我就想住佢在家收福。

泰國菜超好味道, 今次無貪啦, 無食幾轉啦, 食兩轉, 一轉係菜, 一轉係水果, 八分飽算啦。

媽咪今朝炸的蝦片, 當她見到師父拿她的蝦片後, 佢好開心。跟住我同佢講那枝棍同那師兄講了, 那師兄說下次上石崗時可以用, 媽咪笑了笑, 看來都會有機會再上去, 反正佢有枝好駛好用的棍, 會無咁辛苦, 佢還想將它油一油, 好呀。

咁亦同師兄交流僧伽裡的一點點事及南傳佛教與北傳佛教, 我吾係去好多道場, 只係好多時比人叫去幫幫手啫, 咁幫幫手就會識堆人, 咁聽埋聽埋都好多野咯。由上年到今年, 較聽得多僧團內部事, 都幾得意。

係啦, 第一次見Debbie, 網上溝通過好多次, 今次就第一次見。
哈, 又見michelle, 佢講一句話: 文師父教得好激, 因為佢知自己時日無多。我超級讚同, 自己波羅蜜吾夠, 關鍵時刻離開了, 無同師父講, 現在依然要面對同一關的, 但Ven Uttaranandi的出現都比我信心再從新襌坐的, 事關我亦見佢都出現同一情況, 但佢無野, 我就好有野的, 事關我都好偏靜的, 吾想接觸咁多人咁多事, 吾想咁煩的。
咁足不出戶, 佢依然找我幫手, 無得避啦, 就算啦。

咁有堆野亦因佢話而過了, 過了就可在家日日襌坐, 就好吾同啦, 又依回文師父當時的教法了。除了在家襌坐外, 行路就感覺腳步移動, 停步觀呼吸, 平時亦貼住呼吸啦。


咁都想媽咪種觀呼吸的因, 故夠因緣, 就帶媽咪去接觸阿贊平, 結結個善緣。

願今日所作的功德回向給媽咪及諸眾生, 願一切眾生有緣聞思修佛法, 修習而斷輪迴, 離苦得樂。